زموږ په اړه
د افغانستان لپاره د ناروې کمېټه په ۱۹۸۰ کال کې د شوروي د یرغل پرمهال په ناروې کې جوړه شوه. ناروې کمېټې سمدلاسه د شوروي د یرغل پر وړاندې د خلکو نظرونه منسجم کړل، له افغانانو سره یې خواخوږۍ ته وده ورکړه او د مالي مرستو راټولولو کمپاینونه یې ترسره کړل، ترڅو په جګړه کې د ایسارو زیات شمېر افغانانو سره مرسته وکړي. دغه سازمان خپل لومړی دفتر په ۱۹۸۳ کال کې د پاکستان په پېښور کې پرانیست، ورپسې یې په ۱۹۸۶ کال کې په غزني ولایت کې سیمهییز دفتر او په ۱۹۹۱ کال کې یې د بدخشان ولایت په کشم ولسوالۍ کې خپل دفتر پرانېست. د افغانستان لپاره د ناروې کمېټې په ۱۹۹۷ کال کې په کابل کې داړیکو دفتر پرانېست، چې په ۲۰۰۲ کال د دې سازمان مرکزي دفتر شو.
د افغانستان لپاره د ناروې کمېټې مخینه ښیي چې د افغانستان له خلکو سره د دغه سازمان پیوستون، خواخوږي او ژمنتیا له تېرو ۳۰ کلونو دوام لري، په سیاسي عواملو یا ځانګړو سیمو پورې اړه نه لري. د خواخوږۍ او پیوستون څخه د مرستې رسوونې پر مسلکي او پرمختیايي غیر دولتي سازمان بدله شوه چې لا هم د افغانستان له خلکو سره پیوستون او خواخوږي یې د ټولو کاري برنامو او کړنلارو مرکزي ټکی دی. موږ د خپلو ګټو اخیستونکو او همکارانو سره نیږدې کار کوو ترڅو غوره کړنلارې او برنامې رامنځته کړو او د خپلو فعالیتونو اغېزمن پلي کول ډاډمن کړو.
د افغانستان لپاره د ناروې کمېټه له افغانانو سره د یوې داسې سولهییزې، ولسواکې او برابرۍ غوښتونکې ټولنې د جوړولو په برخه کې مرسته کوي چې نړیوالو بشري حقونو ته په کې درناوی کېږي. د افغانستان لپاره د ناروې کمېټه د خپلو پروګرامونونو او فعالیتونو له لارې هڅه کوي چې د افغانستان په کلیو کې د ژوند کیفیت او معیار پورته او ښه کړي. د افغانستان لپاره د ناروې کمېټه په ناروې کې د افغانستان په اړه د پوهې، لېوالیتا او اړیکو یو پیوند دی، چې په ناروېژني عامه بحثونو کې د افغانانو د غږونو او نظرونو منعکسولو او د افغانستان په اړه د ناروې پرېکړه کوونکو ادرسونو ته د معلوماتو ورکولو لپاره دادخواهي کوي.
Students at one of the schools supported by NAC
